ہوم   > بین الاقوامی

مصر میں ڈھائی ہزار برس پرانے 59 تابوت دریافت

SAMAA | Digital

Posted: Oct 5, 2020 | Last Updated: 13 hours ago

Photo: Khaled Desouki/AFP

مصر کے دارالحکومت قاہرہ کے جنوب میں واقع قبرستان سقارہ میں کھدائی کے دوران ڈھائی ہزار سال پرانے 59 تابوت دریافت ہوئے ہیں۔

الجزیرہ کی رپورٹ کے مطابق ان میں خاص طور پر تانبے کا ایک مجسمہ نیفیرتم نامی قدیمی مصری تہذیب کی ایک دیوی کا ہے۔ یہ دیوی کھلتے کنول سے نسبت رکھتی ہے۔

سقارہ کے قدیمی قبرستان سے ملنے والے قدیمی مجسموں میں نیفیرتم کے مجسمے کا تعلق اس دور کے راہبوں یا اعلیٰ حکومتی اہلکاروں سے ہوسکتا ہے۔

ہزاروں سال پرانا قبرستان اقوام متحدہ کے ثقافتی ادارے یونیسکو کے عالمی ورثے میں شمار کیا جاتا ہے۔ یہ قبرستان قدیم مصری دور کے دارالحکومت میمفِس کے قریب میں واقع ہے۔

Photo: Khaled Desouki/AFP

قبل ازیں تقریبا 3 ہفتے پہلے 13 تابوتوں کی دریافت کا اعلان کرتے ہوئے بتایا گیا تھا کہ اسی مقام پر مزید تابوت دریافت ہوسکتے ہیں۔ اب کھدائی مزید بارہ میٹر (40 فٹ) تک کی گئی تو 59 تابوت دریافت ہوئے۔ ابھی بھی کئی مدفون تابوتوں کی موجودگی کا اندازہ لگایا گیا ہے۔

دریافت شدہ ان تابوتوں اور مجسموں کو مزید تحقیق کے بعد گیزا کے انہائی بڑے عجائب گھر منتقل کردیا جائے گا۔ اس عجائب گھر کا باضابطہ افتتاح رواں برس ہونا تھا تاہم کرونا وائرس کی وبا کی وجہ سے ملتوی کر دیا گیا ہے۔ اس بات کا بھی قوی امکان ہے کہ اس بڑے میوزیم کا افتتاح 2021 میں ممکن ہے۔

مصری حکومت کے ادارے سپریم کونسل برائے قیمتی نوادرات کے سیکرٹری جنرل مصطفیٰ وزیری کے مطابق یہ دریافت حیران کن اور باعثِ مسرت ہے۔ دریافت کیے گئے تابوت قدیم مصر کے آخری عہد سے تعلق رکھتے ہیں۔ یہ زمانہ چھٹی یا ساتویں صدی قبل از مسیح کا تھا۔

Photo: Khaled Desouki/AFP

مصر کے وزیر برائے سیاحت اور قیمتی نوادرات خالد العنانی نے بھی اتنی بڑی تعداد میں ہزاروں سال پرانے تابوت ملنے کی تصدیق کردی ہے۔

العنانی کا کہنا ہے کہ تابوت انتہائی پرانے ‘زوسر اہرام‘ کے نزدیک سے دستیاب ہوئے ہیں۔ تابوت دریافت کرنے کا اختتام نہیں بلکہ ایک بڑے ذخیرے کی دستیابی کی ابتدا ہے